ਤੇਰੀ ਕਾਹਦੀ (ਇਹ ਗ਼ਜ਼ਲ ਹੈ )
ਜਿੱਤ ਭਲਾ ਹੈ ਤੇਰੀ ਕਾਹਦੀ ਤੂੰ ਤਾ ਚੰਨਾ ਹਾਰ ਗੀਐ,
ਅਸੀਂ ਤਾ ਤੇਨੂੰ ਯਾਦ ਹੈ ਰੱਖਿਆ ਤੂੰ ਭਾਵੇ ਵਿਸਾਰ ਗੀਐ !
ਉਹਨਾ ਪਲਾ ਦੇ ਉੱਤੇ ਸਜਨਾ ਜਿੰਦਗੀ ਹੈ ਕੁਰਬਾਨ ਮੇਰੀ ,
ਜਿਹੜੇ ਪਿਆਰ ਦੀ ਗਲਵਕੜੀ ਪਾ,ਮੇਰੇ ਨਾਲ ਗੁਜਰ ਗੀਐ !
ਮੇਰੀ ਮਹਫ਼ਿਲ ਛੱਡ ਕੇ,ਸੋਹਨੀ ਮਹਫ਼ਿਲ ਵਿਚ ਤੂੰ ਪੁੱਜ ਗੀਐ ,
ਜਾਵਣ ਲੱਗਿਆ ,ਪਰ ਤੂੰ ਖੋ ਕੇ ,ਦਿਲ ਦਾ ਭੁੱਲ ਕਰਾਰ ਗੀਐ !
ਹੋਰ ਕਾਹਦੀਆ ਜਿਤਾ ,ਮੈ ਤਾ ਜਿੱਤ ਇੱਕੋ ਹੀ ਜਿੱਤੀ ਹੈ
ਪਿਆਰ 'ਚ ਮੈਨੂੰ ਦੇ ਕੇ ਜੋ ਤੂੰ ਅਪਣਾ ਪ੍ਰੀਤ -ਦੁਲਾਰ ਗੀਐ !
ਵੇਖਦਿਆ ਹੀ ਮੈਨੂ ,ਜਿੰਦਗੀ ਮੇਰੇ ਅੱਗੇ ਹਾਰੀ ਸੀ ,
ਪਰ ਤੂੰ ਜਾਵਣ ਲੱਗਾ ,ਮੈਨੂੰ ਦੇ ਕੇ ਵੱਡੀ ਹਾਰ ਗੀਐ !
ਅੱਜ ਮੈਨੂੰ ਝੰਜਟ ਨਾ ਕੋਈ ,ਨਾ ਹੀ ਕੋਈ ਤਮੰਨਾ ਹੈ
ਐਸ ਤਰਾ ਜੀਵਨ ਨੂੰ ਮੇਰੇ ਤੂੰ ਤਾ ਖੂਬ ਸੰਵਾਰ ਗੀਐ !
ਤੇਰੇ ਬਿਨ 'ਅਰਪਨ ' ਦੁਨਿਆ ਵਿਚ ਹੋਂਦ ਭਲਾ ਕਾਹਦੀ ਸੀ
ਮੈਨੂੰ ਕਾਹਦਾ ਮਾਰਨਾ ਅੜਿਆ ,ਤੂੰ ਤਾ ਖੁਦ ਨੂੰ ਮਾਰ ਗੀਐ !
ਮੇਰੀ ਕਿਤਾਬ ਗਮਾ ਦਾ ਵਣਜਾਰਾ ਵਿਚੋ
ਰਾਜੀਵ ਅਰਪਨ
No comments:
Post a Comment